جاويش والجيش
لوعجبتكم هحكي لكم الباقي ...
كنت في الجيش . بعد اول شهر ونص اترحلت الى القوة الاساسيه انا و16 من دفعتى . عند وصولنا للمكان الجديد طلبوا مننا الوقوف صف واحد وطلع الظابط . قال لينا بنص كده ..
= انتم متعلمين صح ؟
_ صح يا فندم .
= طيب شهاداتكم دي تلفوها وتحطوها في ..........😊
________________________
انا من اول يوم .. انا تمنعت عن اداء الاوامر .. طبعا تكدير بئا . ومنع من الاجازه .. وسجن .اتحبست في سجن الوحده اكتر من 25 يوم منفصلين بسبب تمنعي عن اداء الاوامر .
اتكدرت بعدد شعر راسي .. منهم مره وقفت انتباه اكتر من 24 ساعه متواصله . وبعده سجن على طول ....
___________________________
زهقت وجبت اخري . وكان امامى 3 اختيارات
1-- الهروب من الجيش . وطبعا ده كان هيضيع مستقبلي واستحاله اعرف اشتغل في اي مكان او اسافر او اخرج
2-- قطع صباعي. وتقرير طبي انى غير لائق طبياً للاستمرار في الجيش واخرج .
3-- التمنع عن الاوامر . وادخل السجن واعمل مشاكل دائما وهما يزهقوا منى ويرحلونى لاي مكان تانى.
________________________________
اخدت اول قرار...#الهروب_من_الجيش
كنت راكب لوري (سياره نقل كبيره) . نطيط منها في مدينه نصر التجمع الاول "وهب دبل كيك فص" ملح ودوبت
عملت غياب هروب 8 ايام .. بس طبعا نفسيتي مدمره لان مستقبلي هيضيع لو مكملتش الجيش
__ شحنت نفسي بشحنه عيناد .. قرار ان هروح تانى ومش هنفز اوامر لبست شخصيه #ابراهيم_الابيض 😃ورحت الوحده
________________________________________
#رجوعي_من_الهروب
__ عمى كان وعدنى اول يوم رجوعي للوحده. هيشوف ليه وسطه وهينقلنى من المكان ده في اول يوم .... بس انت ارجع جيشك يا خالد.
_رجعت الوحده انتظرت وبحلم ان عمى( بيقوله عليه راجل واصل)😏
هيشوف وسطه جامده وبس كم ساعه هسمع اسمى ومندوب جيي ينقلنى الى مكان تانى .......... ده كله طلع فشنك ولا جبلي وسطه ولا جبلي بطيخ ... وكلمه واصل دى طلعت وصله .. يحطوها على بطنها بتنور على ضهرها بتنور 😂😂
... قرارت انفز الاختيار رقم 3
_________________________________
اختيار #قطع_صباعي
قرار اقطع صباعي واخد رافد طبي واخرج من الجيش ..
خطت ان عمليه قطع صباعي تتم بطريقه بحيث .. انهم ميقدروش يثبتوا ان عمليه القطع كانت عن قصد ......... لان لو ثبتوا هتحاكم عسكرياً.
قرارت ان اكون بنضف المكينات اوحط صباعي داخل ترس المكينه .واقول كنت بنضفها وغصب عنى الترس سحب صباعي
اشتريت حبايه برشام #ابترل مخدر علشان محسش بالألم .. طبعا الود ابن الكلب نصب عليه وخد منى 20 جنيه وعطانى برشامه عاديه مش مخدر ولا ليها اي لزمه . (كانت هموت من الألم ) 😃😂
حطيت صباعي بين الترس والجنزير صباعي لف لفه كامله مع الترس قطر الترس حوالى 10 سنتيمتر....
جلد صباعي اتفرتك . وانكسر .... #بس_منقطعش رحت المستشفي وربطولى صباعي .. ورجعت الوحده تانى . زعلت ان صباعي منقطعش .وكل زعلى كان انى هفضل في ديك ام الجيش 😂😃
_____________________________________
قرارت انفز #الاختيار_رقم3_____الامتناع_عن_الاوامر
تمنعت عن اي امر حتى اوامر التكدير ..... احا وانا اي يخلينى انفز اوامر التكدير ..... مهى خربانه خربانه 😂😃
اتسجنت 17 يوم و8 ايام و4 ايام و7 ايام .. وفي الاخر ملقوش فيده
وارتحت غصب عنهم
ليست هناك تعليقات:
إرسال تعليق